China-in North Korea atanga a thil lakluh titawp dawn

0
513
views

China chuan naktuk atang hian North Korea atanga thir leh sangha lam chi a lak luh a titawp dawn a, hei hi UN thuchhuak a bawhzuina tur hiin commerce ministry-in vawiin khan a sawi. China North Korea lamtang ni thin mah se, UN thuchhuak hi tha taka a hlen chhuah tur thu a sawi a, United States pawhin North Korea-in a nuclear ralthuam programme a bawhzui zel loh nana theihtawp chhuah turin China hi a nawr reng a ni. China Commerce Ministry chuan, lungalhthei, thir leh sangha lam chi reng reng, naktuk atang hian North Korea atanga a lak luh tawh rih loh tur thu a sawi a, member nghet a nihna, United Nations Security Council chuan tun thla ni 6 khan North Korea hrêk dan tur thar hi a rel a, hei vang hian North Korea sum lak luh chu kum khatah dollar tld. khat velin a tlahniam thei dawn a ni.