North Korea buaina chungchangah tharum hman US President-in sawi ri leh

0
549
views

North Korea chungchanga buainaah ram hrang hrang – China, Russia, Germany leh Britain bakah UN-in insum theihna nei tura an chah hnuah, US President, Donald Trump-a chuan sipai chakna hman lam a sawi ri leh a, White House thuchhuah tarlan danin, President Trump-a leh France President, Emmanuel Macron-a chuan phone-a an inbiaknaah North Korea chungchanga buaina tihtawp a nih theih nan thawh dun an tiam a, North Korea chu nuclear ralthuam awm lohna rama siam ni se an ti nia hriat a ni. An inbiaknaah hian President Trump-a chuan he buaina ching fel tur hian kawng engkim an dap dawn tih sawiin, sipai chakna pawh a tul chuan an hmang dawn niin a sawi a ni. South Korea President, Moon Jae In-a chuan Korea ram leh a chhehvelah indona thleng tawh lo se a duh thu a sawi a, North Korea chu US nena an inkar boruak tichhe zawnga che tawh lo turin a ngen a, President Moon-a hian North Korea chungchanga buaina thleng mekah hian eng thil pawh thleng se, a muanawm thei ang bera chin fel tha a tih thu leh, US pawhin a ngaihdan hi a tawmpui tih a chian thu a sawi a ni.