China khawpui pakhat, Wuhan-a thla kalta a\anga inkharkhip an hlih hnu khan veng pakhatah natna hrik hmuh leh a ni a, China Health authority chuan natna hrik lo lang thar leh vangin coronavirus do kawngah a inthlahdul theih rih loh tih a sawi.

China Wuhan khawpui hi coronavirus \aidarhna hmun a ni a, sa zawrhna hmun Huanan seafood market a\anga darh nia hriat a ni a, nikum December thla khan a \aidarh \an a, a \aidarhna hmun Hubei Province-ah hian mi 67,803 coronavirus kai an awm a, mi 64,014 enkawl dam an ni a, mi 3,212 an thi a ni. China pumpuiah mi 82,919 kai an awm a, mi 78,171 an dam a, mi 4,633-in an thihpui a ni. Hetihlai hian inkharkhip thlahdul hnu, tun thla ni 10 khan coronavirus kai thar 17 hmuh belh an ni a, an zinga mi panga chu Wuhan khawpuia chengte an ni.