Mizoram State Health Care Society-a Chief Executive Officer Dr Biakthansangi’n Zonet zawhna a chhan danin, kumin sorkar kum kallai atana Mizoram sorkarin cheng vbc 20 a dah hi health care scheme kalpuina tur hian tawk tura ngaih a ni a, a \ul ang zelin sorkarin sum a pek belh leh mai tura ngaih a ni.
Health Care Scheme thara inziak lutte hian Damdawi In-a an inenkawl na senso bakah OPD-a an inenkawlna senso pawh an hmu let thei dawn a, kum khat chhungin chhungkaw pakhatin cheng nuai 2 thleng an bill thei ang a, chhungkaw pakhat-a member inziaklut thei zat bituk pawh awm lovin, chhungkaw member zawng zawng inziah luh theih vek a ni ang. Mizoram pawn lama inenkawlna pawh hmuhlet theih a ni dawn a, bill erawh chu Mizoram sorkarin rate a bithliah anga pek tur a ni dawn a ni.
Health Care Scheme tharah hian Mizorama cheng, khua leh tui dik tak tu pawh a inziah luh theih a, inziak lut turin chhungkaw hotu ber voter ID leh Ration Card te finfiahnaah hman tur a ni. Health Care Scheme hman tur hi huamzau zawka kalpui tur a ni a, Damdawi In a admit kher lo pawh natna \henkhat, Kal (Kidney) \huah, mit fiahlo laser hmanga zai ngai te, zunthlum avanga khawhmuh fiah lo zai ngai te, hmaisawi, mit tha chak lo chiu ngai ang chi te leh natna dang \hahnem tak OPD a enkawl te pawhin an bill thei tawh dawn a ni.
Health Care Scheme thar hi sorkar damdawi In bakah mimal damdawi In ah te pawh hman theih turin sorkar chuan hma a la a, he scheme-a inziak lut te hi sorkar hnathawk ten an bill theihna rate nen inang tura duan a ni. He scheme thar hnuaiah hian tunhma anga bill chhuak har \hin ang chu a awm tawh loh a beisei tih Dr Biakthansangi chuan a sawi.
Health Care Scheme-a inziak lut tur hian BPL chhungkaw tan cheng 100 leh APL chhungkaw tan cheng 1000 chawi a ngai dawn a, Socio Economic Caste Census 2011 leh RSBY hmanga AB-PMJAY Scheme-a inziak lutte erawh chu an inziaklut ve thei dawn lo thung.
