Citizenship Amendment Bill a duh loh thu leh zirlai pawlten dodalna lantira Total Bandh an huaihawt zaa za a thlawp thu sawitu, MNF President, Chief Minister Pu Zoramthanga’n BJP kaihhruai NEDA a\anga in hnuhdawh leh hnuhdawh loh chungchang chu party in a ngaihtuah tur a ni ang a ti.

Pu Zoramthanga hi vawiin khan Assembly General Purpose Committee \hutkhawmnaah telin hemi hnua zawhna chhangin NEDA chungchang hi mimal anga sawi theih a nei lo tih a sawi. Hetihlai hian MNF Party chuan thuchhuah siamin NESO leh MZP-ten ‘Citizenship Amendment Bill dodalna leh duhlohna lantira hmarchhak pum huap ‘Total Bandh’ hlawhtling taka an buatsaih chu \ha an tih thu sawiin, a huaihawttu NESO leh MZP chungah leh a thlawptu mipuite chungah lawmthu an sawi a, Total Bandh huaihawt ni ngeia Lok Sabha in he Bill a passed lui chu MNF chuan pawi a ti takzet tih sawiin, ‘Citizenship Amendment Bill chu Rajya Sabha leh a dangteah a kaltlang lohna tur leh paih thlak a nih ngei theihna turin MNF chuan theihtawp chhuahin hma a la zui zel dawn tih an sawi.