Congress \halai chuan Wing Commander Pu J. Lalhmingliana hian nikum April ni 9 khan Helicopter hire-na leh Consultancy Firm pakhat a\anga a lak belhkhawm cheng 56,42,720 leh a tuk April ni 10-a Consultancy firm a\anga pawisa a lak Rs. 45,35,300 leh Pu C.Ngunlianchunga, MLA helicopter charter-na Rs.120,000 chu amimal Account-ah a dah lut nia sawiin, hei hi avaiin Rs.10,298,020 a tling a ni, an ti a. He thil dik lo chungchanga hi nikum April ni 26 khan Chief Minister leh Mizoram Lokayukta-ah chhui chiang turin an ngen a, Chief Minister hnena lehkha an theh luh chuan thawm engmah a neih loh laiin, Mizoram Lokayukta hnena lehkha lut erawh chu bawhzui niin, he thi hi chhui zui tlaka ngaih a nih avangin Lokayukta hian ACB hnenah thla khat chhunga chhui chiang tur leh an chhuina Report chu theh lut thuai turin a hriattir a. Hetiang a nih lai hian chhui chiang tura tih an nih a\anga thla 8 ral hnuah pawh thawm awm lova a la reh vung vung chuan an ngaih a ti\ha lo hle tih sawiin, MNF Sorkar hmasain Police kut a phuar tlat kha an la phelh fel lo a, thil dik lo chhui tura din ACB kut pawh an la phuar tlat em ni tih chu an rin dan a nih thu leh a rang thei ang bera he thil hi chingfel vat tura an phut thu an sawi.
Congress \halai hian Civil Aviation Wing Principal Consultant atana Wing Commander Pu J. Lalhmingliana ruat a nihna Mizoram Sorkar-in nikum January ni 23-a a tihchhuahah pawh dikhlel a awm nia sawiin, Civil Aviation Wing hi GAD hnuaia Wing pakhat mai a ni a, Head of Department chu Secretary a nih laiin, Head of Department anga chhal a ni chu a dik lo hle a ni, an ti.
