College Veng Aizawla Govt. Central Higher Secondary School behchhana din Science Subject zirna Building sak thar chu vawiin khan bialtu MLA, Pu R. Vanlalvena’n a hawng.
Building thar hawn rual hian kumin HSSLC Exam-a Science Subject-a an School a\anga pass tharte an chawimawi nghal a. Govt. Central Higher Secondary School behchhana din Science Subject zirna hi kum 2016 khan Aizawl South I bialtu MLA, Pu R. Vanlalvena MLA Fund hmanga bul\an niin, zirtirtu hlawh leh \ul dang zawng zawng chu MLA Fund a\anga pek vek a ni a, Science Subject bik tih loh Mizo leh English subject chu Govt. Central HSS zirtirtuten an pui a, a din tirh-ah hian zirlai 15 awmin, heng mite hi kumin HSSLC Result chhuakah khan an pass vek a. Tunah hian pawl 11-ah zirlai 20 leh pawl 12-ah zirlai 21 awmin, zirtirtu 4 an awm mek a ni.
He Science Building thar hawn tak hi Aizawl South I bialtu MLA Fund hmangin nikum March ni 3 khan sak \an niin, nikum vek November thla khan sak zawh a ni a, a sak nan hian cheng nuai 21 chuang an seng a ni. College veng Local Council Chairman, he School Governing Board Vice Chairman nibawk, Pu Lalsanglura chuan, Aizawl South I huam chhungah pawl 12 Science zirna a awm loh avangin bialtu MLA \hahnemngaihna zarah he School hi din a ni tih Zonet a hrilh.
