Commerce & Industries Minister Pu H.Rohluna’n Aizawl New Market chhunga sorkar hmalakna te nimin khan a endik

0
286
views

NEC atanga sum hmuh cheng vbc 13 senga New Market Building thar Phase-I sak mek leh NEDP sum cheng vbc 36 nuai 52 senga Aizawl City Centre Annexe -I sakna hmun tur te leh Zuangtui Industrial Estate hmunhma thawmthat hna, Ministry of Commerce & Industries atanga cheng vbc 18 nuai 25 senga thawh mek te tlawhin hnathawh dan a endik a ni.

New Market Building Phase-I hi sak zawh anih hunah chuan chawhmeh zuar te chu Digital Weighting Scale hmang tura phut an ni dawn tih Minister chuan a sawi. New Market Building Phase-I hi chhawng sarih a sang a ni a, dawr 500 chuang awm thei tura beisei a ni.