Commerce & Industries Minister, Pu H. Rohluna’n Zemabawka Central Medical Store-a Food Testing Laboratory sak mek chu nimin khan a tlawh

0
227
views

Minister chuan mihring ei leh in tur te \hat tawk leh tawk loh awlsam taka enfiahna Mizoramah dah a ni dawn chu mipuiten \angkai takin an chhawr thei dawn niin a sawi a, Mizoramah hian ram pawn a\anga thei, thlai leh eitur chi hrang hrang tam tak a awm a, hengte hi mihring tan a him leh him loh hriatfiah a \ul niin a sawi a ni. Minister hi Commerce & Industries Director, Pu J. Hmingthanmawia, Health Deptt hnuaia Food & Drug Administration Jt. Director, Pu Lalsawma Pachuau leh Officer dangten an \awiawm a ni. Food Testing Laboratory hi sorkar laipui hnuaia Ministry of Commerce & Industry, Export Development Fund-NER hnuaia sum hmuh hmanga sak a ni. Zawhfel a nih hunah Food Testing Laboratory-ah hian Ultra High Pressure Liquid Chromatography, Atomic Absorption Spectrometer, Ion Chromatography, UV Visible Spectrophotometer, Microbiology Laboratory bakah eitur leh tui \hat tawk leh tawk loh enna khawl bun a ni ang.