Commissioner of Excise & Narcotics, Pu Ngurchungnunga chuan tun thla ni 10-a Cabinet Meeting thutlukna siam angin tun thla ni 15 a\anga March ni 15 thleng zu hralh chhuah loh ni, ‘dry day’ a ni dawn tih a puang.

Hemi chungchanga sorkar thupek hi Excise Commissioner chuan vawiin khan a ti chhuak a, chutah chuan Chief Minister, Pu Zoramthanga hova Council of Ministers Meeting tun thla ni 10-a neihin a lo rel tawh angin dry day hi puan a ni tih a tarlang a, dry day puan a nih chhan hi tun thla ni 26-a Republic Day hman tur leh February ni 28-a Chapchar Kut hman tur boruak \ha leh muanawm tak hnuaia hman theih nan a ni tih a sawi bawk.