Congress \hlaite chuan, Pu J. Lalhmingliana hian tun thla ni 9, khan Helicopter hman man Rs.16,72,720 leh Consultancy Firm pakhat pawisa Rs.39,70,000 a lak bakah tun thla ni 10 khan Consultacy Firm pawisa Rs. 45,35,300 a la leh niin an sawi a. Heng pawisa te hi Pu J. Lalhmingliana hian ICICI Bank-a a mimal Account-ah a dah lut nia sawiin, hei hi dan kalh a nih avangin Pu J. Lalhmingliana chu hrem a nih theih nan Chief Minister chu hmala turin an ngen a ni. Vawiina MPYCC hruaituten Chief Minister hnenah Aviation Principal Consultant Pu J. Lalhmingliana hrem an phut thu an thlen dawn hian Chief Minister chu a Pisa-a a awm loh avangin Chief Minister Private Secretray, Pu Lalhmangsanga hnenah an ngenna lehkha hi an pe a ni.
Chief Minister hnena lehkha an thehluh bakah hian MPYCC chuan Chief Secretary, Chief Vigilance Officer leh Lok Ayukta Chairman hnenah Pu J. Lalhmingliana hekna lehkha hi an pe bawk.
