Congress Thalai, MPYCC hian MNF in sorkarna an siam hlim, kumin January ni 10-a, Council of Ministers meeting-ah thisen sawngbawlna man blood processing fee lak mek chu tihtawp an rel thu an puang a, hemi atana kum khata senso ngai tur cheng nuai 200 a\anga 300 inkar pawh budget session neih hmasak ber march thlaah khung nghal tur anih tur thu sawi mahse, March thla budget session-ah sum mamawh hi dah a ni lo niin an sawi a, Mizorama model blood bank awmchhun, Aizawl Civil Hospital Blood bank chuan June thla tir thlengin sorkar a\angin sum dawn a la nei lo niin an sawi.
Congress |halai hian District Hospital hrang hranga blood bank ten kumin June thla thleng hian thisen lakna bungrua duhkhawp an neih loh mai bakah, blood donation camp nei duhte pawh an neihpui thei lo fo niin an sawi a, sorkar chu mipui hnena an lo intiam tawhna an tihhlawhtlin nghal loh avangin thisen mamawhtute an chiai a, hnathawktute an mangang hle niin an sawi.
