Congress in NLUP a sem vangin department tam tak hnathawk hlei thei lovin an awm phah niin MNF Vice President Dr. R Lalthangliana’n a sawi. Vawiina SEDP zirhona Kawnpui MNF Jt. Group buatsaih ah he thu hi a sawi a, Dr. R Lalthangliana chuan, Sokarin NLUP a sem avangin Department tam takin hnathawhna tur pawisa an neih loh phah nia sawiin, hei hian hmasawnna nasa takin a ti \huanawp a ni a ti a, an party in thuneihna a chan chuan Department hnathawk thei lova awm te chu hnathawk thei turin an siam leh vek dawn niin a sawi. Dr R Lalthangliana chuan, Sorkar chu eptu te beih vang pawh ni lovin a hmalakna a fuh tak tak thei tawh lo niin a sawi a, hei hi sorkar tla tur zia nia sawiin sum hmanga inlei tlin tum mahse awmzia a nei tawh dawn lo niin a sawi bawk a. an party in thuneihna an chan chuan, thuneihna semzai chu an ngaihpawimawh tur zinga mi a ni tih a sawi a, hmasawnna hna thawh leh sorkar hmalakna turah tualchhung mite hmang \angkaiin thuneihna sang tak pek an ni dawn tih a sawi bawk. Inkhawm hi MNF Kawnpui South Group President Pu Zothana’n a kaihruai a, Dr C Lalsangzuala’n SEDP chungchang a zirtir a ni.
