Congress Legislature Party Leader, Pu Zodintluanga’n Covid 19 hri leng donaah Sorkar chu sum leh paia a harsa tak taka tanpui a ngai anih chuan Minister leh MLA rualte chu a che hmasa ber tur an nih thu a sawi zulzuia nimina Assembly Speaker hova MLA-te thuhkhawmin an hlawh atanga zaa 30 pek an rel chu lawmawm an tih thu Congress Thalai-in an sawi.

0
8
views

Congress Thalai hian Minister leh MLA mai bakah Sorkar hnathawkte hlawh lathen tura ruahmanna siam a ni ta hian Chief Minister, Zoramthanga’n Sorkar laipuia sum tam zia a au pui thin leh pawh luh dan thiam riau anga a insawi thin chu thutak a nih lohzia a nem nghet a ni, an ti.

Covid 19 do let nana Mizoram sorkar-in State budget atanga sum tam tham hman a la nei lo chung te, Central sorkar atanga Central Disaster Relief Fund leh Doner atanga cheng nuai sang tam tak a hmuh te, CM’s Relief Fund-a mi inphalten vaibelchhe tel an chhun mek lai leh sum tamzia sawi a ni reng chung pawha sorkar hnathawk t> ber atanga a lian ber thlenga an hlawh lak then sak a ngai dawn ta chu a lungchhiatthlak a ni an ti.