Congress MLA pahnih Pu Zodintluanga leh Pu Lalrindika Ralte-in Bairabi leh Vairengte chhehvel ramria Duty-te an tlawh.

0
9
views

Ramri-a Duty-te nen an inkawmnaah hian CLP Leader, Pu Zodintluanga chuan, Aizawl lam an inthlahdul tan avangin an ni talin harsa tak chung pawha ramri an lo ven hram hram a ngai a ni, a ti a. Mithiamte sawi danin, Covid 19 natna hi ni 21 chhunga langchhuak tur a ni a, hetiang hi ni mah se, ram pumah ni 40 chuang inkharkhip a ni tawh chungin a vei an pung zel a, thenawm State Tripura leh Assam-ah hri kai an pun zel bawk si avangin ngun taka inven zel a ngai tih a sawi.

An inkawmnaah hian ramri-a duty Village Level Task Force leh YMA hruaitu thenkhat chuan khauh taka ramri-a an duty laia ram chhung lam inthlahdul hma lutuk chu pawi an tih thu leh, an thawhrimnain awmzia a awm lo nia an hriat thu an sawi a. Mahni eizawnna pawh thawk thei lova an awm rei tawh avangin duty tur inhmuh zawh loh mai hlauhna a lian tawh hle niin an sawi.

Congress MLA-te hian ramri-a duty-te hnenah tanpuina sum fai an hlan a. Police Duty-te hnenah pawh tanpuina an pe a, Medili lei bula IR Police duty-te chu sum fai bakah solar lamp leh electric an pawh luhna tura mamawh an ngaihtuah sak a ni. Congress MLA pahnih hian nimin khan Tripura ramria Duty-te an lo tlawh tawh a, hetah hian MPCC Secretary, Lalhmachhuana; MPCC Communication Dept. Chairman, Lalsangzuala Hmar leh MPCC Media Dept. Secretary, Pu C. Lalhriatpuia-ten an tawiawm a ni.