Congress Legislature Party hruaitu Pu Zodintluanga Ralte Bunghmun khuaah an party mite a kawm a, MNF sorkar hma inthlan dawn khan an President Pu Zoramthanga berin an sorkar chuan cheng nuai thum an sem ang a tih avangin mi tam takin beiseina sang tak an nei a, Assembly House-ah cheng nuai thum an sem loh tur thu an sawi leh ta si a, MNF-a beisei lo neite an beidawng nasa hle tawh a ni a ti.
Pu Zodintluanga hian mipui tibeidawng zualtu turin kumin MNF sawrkar Budget pharhah hmasawnna hmuh tur a awm lo niin a sawi bawk a, mipui hmasawnna leh mipui chan turah hmasawnna hmuh tur a awm lo chuan mipui a ti beidawng nia sawiin, an flagship programme SEDP-a pawisa dah tlahniam ta pawhin zirchiang mite a ti beidawn a ni a ti.
Pu Zodintluanga hian Mizoramah hmasawnna hmuh tur a awm ta lo nia sawiin Congress sorkar sum dah ban \hahnem tak MNF in renchemna tel lovin nawm chen pahin an hmang niin a sawi a, anmahni pual Budget an neih chinah Mizoramah hmasawnna hmuh tur a awm ta lo a ni a ti. Pu Zodintluanga hian a bial, Thorang biala khaw hrang hrangte a fangkual a ni.
