MPYCC hian MNF sorkar chu Zoram dung leh vanga kawngpui chhia zawng zawng siam\ha vek tawh anga mipui hmaa insawiah an puh a. Kumin June ni 26-a Assembly Session neihah MNF Ministry-in hun reilo te chhunga Zoram dung leh vanga kawng chhe tak a siam \ha mai hi a lawmawm kan ti hle, tiin, MNF MLA Pu Zothantluanga Resolution putluh an pass a ni an ti a. Assembly House-a an pass mai bakah hian an hotuten kawng siamthat thu hi an tlangaupui nasain, MNF Hqrs. Vice President, Minister DR. R. Lalthangliana phei chuan, MNF an sorkar atanga hun reilo te chhungin kawngpui an siam\ha vek hman tih a sawi bawk a ni an ti.
Hetihlai hian Mizoram chak lakna ber kawngpui siamthat nia sawi, Buichali leh Khamrang inkar kawng chu kum khat em pawh a tlin hmain a chhe leh em em tawh nia sawiin MPYCC chuan, Motor lian ritphur leh zin veivak te tana zawh huphurhawm khawpin a chhia tih an sawi a. Keifang leh Champhai inkar phei chu a chhe nasain, motor intlan chhawk hun siam hial a ni a, zin veivakte a tikhaihlak nasa a, motor lian bungraw phur 407 Truck chin chunglam phei chu tun thla ni 31 thleng tlan hun bi siam a ni an ti.
