Coordination Committee on Traffic Management-in Aizawl khawpui chhunga tun thla ni 21, 24 leh 31-a No Vehicle zone a puan chhungin kawng sira inzuar lo turin Mizoram Merchant Association (MIMA) leh Dawrpui Local Council in sumdawngte an ngen a, mipui veivahna dal thei tur zawnga inzawrh an remti dawn lo tih an sawichiang nghal bawk. Hemi chungchanga vawiina thuchhuah an siamah MIMA chuan No Vehicle Zone sorkarin siam a tumna ni te hi remchang tawk lo nia an hriat thu an sawi a, tun thla ni 24 leh 31-ah chauh No Vehicle Zone hi hman ni se an duh thu an thuchhuahah chuan an tarlang bawk.