Thawh\anni-a Chief Minister hova Cabinet Minister te leh sorkar mipawimawhte \hukhawm chuan khawvel hmun dangah hri leng a nasat avangin India khua leh tui ni lo, foreigner te chu Mizoram an lo luh phal rih loh nise tia an rel bakah state dang a\anga lo lut turte chungchangah chakkhai phur tur te leh ei leh bar atana pawimawh te chu uluk taka enfiah an nih hnu ah ILP pek nise an ti a. Chutiang mi nilo chu ILP pek rih loh turin an rel a, labourer tur pawh Mizorama awm mek an nih loh chuan mi thar lo lut tur chu ILP pek rih loh ni se tiin an rel a ni.
Hetihlai hian ILP hi kalphung pangngaia pek chhunzawm zel a la ni thung a, ILP portal a\anga a lan danin Nizan dar 7.54 ah khan ILP pek zat hi Temorary leh regular belhkhawm 13,536 a ni a, hei hi vawiin chawhnu dar 3.05 ah khan 13855 ah a kai chho a, a hnu darkar khat vawiin tlai dar 4.10 ah chuan 13882 ah a kai chho leh tawh a ni. Assam lam a\anga Mizoram lam luhka-a ILP pe chhuaktu Kolasib District thuneituten zawhna an chhanna atanga a lan danin ILP khuahkhirh dan tur thuah hiain Home Dept a\angin hriattirna an la dawng lo a ni.
Thawh\anni-a Chief Minister hova sorkar mipawimawhte \hukhawm chuan ram dang nena inrina, International border te khar rih turin rel mahse, Home Dept lamin ruahmanna thar a siam bawk a, Myanmar nena inkalpawhna Zokhawthar leh Bangladesh nena inrina Kawrpuichhuah te chu zing dar 9 leh tlai dar 5 inkar hawn a ni. Myanmar ramri ah hian ramri tawn tawna chengte inkalpawh theihna Dan, free movement regime chu hman mek a ni sa a, Kawrpuichhuah lamah erawh hei hi hman a nih ve loh avangin ramri kan hrim hrim chu dan bawhchhiatna a ni sa a ni.
Home Dept ruahmanna siam dan hian Tripura nena inkal pawhna Kanhmun leh Manipur nena inkal pawhna Khawkawn kai te chu zing dar 9:00 atanga tlai dar 5:00 thleng hawn tur a ni a. Assam nena inkal pawhna Bairabi leh Vairengte-a Check Gate te chu hun rei deuh zawk zing dar 6:00 atanga zan dar 10:00 thleng hawn tur a ni.
Heng inkalpawhna kawngpui bak ramdang nena inrina emaw, state dang nena inrina emaw-a khan dang reng reng chu khar mek a ni.
