Coronavirus darh tur venna kawnga Hnahthial district tana hmala tura din, District Level Task Force chu an chairman Bawrhsap Pu Vanlalmawia hovin vawiin chawhnu khan Hnahthial-ah an \hukhawm a, hmalak dan turte an duang.

Bawrhsap chuan tun dinhmunah he natna vei Mizoramah hmuhchhuah la ni lo mahse Hnahthial District chhunga khaw thenkhatte chu ramdang nena inrina bula awm a nih avangin mipuite an fimkhur a \ul tih a sawi a. District Hospital Hnahthial-a Medical Officer Dr.Lalrengpuii Ralte chuan natna lan chhuah dan tlangpui a sawifiah bawk a ni. Hnahthial District chhunga Myanmar ramri hnaiha awm Thingsai, Bualpui H, Cherhlun Ngharchhip leh Muallianpui khuaah te Coronavirus chungchang mipuite zirtir nise an ti a ni.