Court-a kal kher ngai lova thubuai chinfel theihna, National Lok Adalat chu vawiin khan District hrang hrangah buatsaih a ni a, leiba chi hrang hrang cheng vbc 2 chuang hmuh a ni.

0
372
views

National Lok Adalat-ah hian Mizoram pumah thubuai 1,176 a lut a, chungte chu pawisa in\hinna thubuai te, Bank Loan rul \ha lo thubuai te, Phone bill pe \ha lo chungchang te, ram inchuh thubuai leh chhungkaw thubuai a ni hlawm a, thubuai engemawzat chin fel niin, sum hmuh chu a vaiin Rs. vaibelchhe 2 chuang a tling a ni. National Lok Adalat-ah hian Mizoram pumah thubuai ngaihtuahna, Bench 15 siam a ni a, hetah hian Judicial Services Office leh pension tawh te, Ukil leh Social Worker ten thubuai te hi an ngaihtuah a ni. Aizawlah chuan National Lok Adalat hi Treasury Square-a District Court leh New Capital Complex-a Mizoram State Legal Services Authority Office-ah neih a ni a, hetah hian MSLSA Member Secretary Pu Vanlalenmawia hovin thubuai 897 ngaihtuah a ni.

Lok Adalat hi inrem siamna hmanga thubuai remna hmun a ni a, hetah hian thubuai neiten dan hnuaiah inremna an siam \hin a, Lok Adalat a inremna siam hi a nghet a, thuremna zawm lo an awm a nih chuan Court-ah Lok Adalat thuremna anga hmala nghal tura thlen theih a ni.