Aizawlah chuan Lok Adalat hi New Secretariat Complex-a Mizoram State Legal Services Authority Pisa-ah neih niin, hei bakah hian District khawpui hrang hrangah pawh neih a ni a, hetah hian MSLSA Member Secretary, Pu Vanlalenmawia hovin mithiam thlanbik 63-in bench 21-ah thubuai hrang hrang an ngaihtuah a ni. Thubuai ngaihtuah zingah hian Bank-a pawisa puk rul \ha lo thubuaite, mimal pawisa puk rul \ha lo thubuaite, chhungkaw thubuaite, ramri chungchang thubuai leh thubuai dangte a awm a, thubuai ngaihtuah zinga a tam zawk chu a hmuna chinfel nghal a ni. Mizoram State Legal Services Authority hotute hnen a\anga thudawn danin, Lok Adalat chu Court-a thubuai kalpui a nih hmaa dan lam harsatna neiten an thubuai chinfel nan an hmang thei a. Hemi piah la, Court-a thubuai ngaihtuah lai mekah pawh Lok Adalat hi hman \angkai theih a ni. Hight Court-a thubuai neite tan pawh High Court Legal Services Authority pan theih reng a ni a, hei bakah hian Mizoram State Legal Services Authority emaw District hrang hranga District Legal Services Authority emaw pawh pan theih a ni bawk.
MSLSA Member Secretary, Pu Vanlalenmawia chuan, Lok Adalat hlawhtling taka buatsaih a ni chu lawmawm a tih thu a sawi a. Dan leh hrai kaihhnawiha harsatna neite tan Mizoram State Legal Services Authority leh District Legal Services Authority pan theih reng a ni tih sawiin, he remchanna hi hman \angkai tum \heuh turin mipuite a chah a ni.
