Tunhnaia Aizawl South I bial a fannaah he thu hi a sawi tih ZPM thalai hian an sawi a, a Minister puite pawhin Covid-19 donaah party tinte tanho a tul thu uar takin an sawi a, vengtin LLTF leh mitlawmngai ten thih thaa hri leng laka himna turin beihpui an thlak mek a bakah mithahnemngai ten CM relief fund-ah an sum an thawh mek laia hetiang thu Sports Minister in a a sawi chu a vanduaithlak a ni an ti a, Covid-19 donaa party politics vawlian duh Sports Minister Mizoramin a nei chu vanduaithlak an tih thu an sawi.
Sports minister hian South I biala veng thenkhatah Basketball, Volleyball leh Football te a sem bakah hna hrang hrang thawh tur pawh a sawi tih ZPM Thalai hian an sawi a, Covid19 chungchang ah Sorkarin a huho a awmkhawm lo tur leh Social Distancing ngaipawimawh tura mipuite a zirtir laia a huhoa infiamna chi Basketball, Volleyball leh Football a sem chu Aiawl South I mipui hmuhsitnaah an ngai tih an sawi a. Sports Minister hian LLTF te a zah lo em ni tih chu an zawhna a nih thu a sawi.
ZPM thlai hian, Pu Robert-a chu a Deptt enkawl te chu Covid 19 do kawnga inkaihhnawihna nei miah lo a nih thu an sawi a, a minister puite an ngawih mai mai laia mawi leh mawi lo pawh dawn lova lar khelah an puh a ni.
