Covid 19 hri leng mek doletna tura Chief Minister Relief fund a sum lut hman dan tur ngaihtuahtu, Committee on Utilization of Chief Minister’s Relief Fund for COVID-19 chu an chairman Chief Secretary Pu Lalnunmawia Chuaungo hovin Aizawlah an \hukhawm leh a. An vawi hnih \hutkhawmna a ni.

Meeting hmasaa an lo rel tawh, Local leh Village Level Task Force 893 te hnena a inzat \heuh a sum pek tura tih chu tidanglamin khua leh veng mipui cheng zat a zir te, duty mawhphurhna hautak dan leh ramri depa khaw awmte thur chhuakin Category A, B leh C leh Special Category ah an \hen a, sum an dawn zat tur hi an mamawh dan a zirin a danglam dawn a ni. LLTF leh VLTF te hnenah sum pek chhuah tura ruahman hi cheng nuai 204 sing 8 sang 5 a ni.