Zonet thudawn danin, Thenzawlah hian in lama inkhung hrang tura tih mi 40 chuang an awm tawh a, tun hnai khan Thenzawl Civil SDO, Pu Kulothungan A chuan thupek chhuahin, hrileng mek vanga mipuiten harsatna an tawh loh nan Thenzawl khaw chhunga Buhfai zuarte chu puitling pakhat tan Buhfai Kg. 5 bak hralh lo turin a hriattir a ni. Thenzawlah hian Village Level Task Force kaihhruaiin Sorkar-in inkhuahkhirh tura a tih chu ngawrh taka kalpui a ni a, mipui pawnchhuak hmuh tur an awm meuh lova, tukin dar 7 a\anga dar 9 inkar chhung khan mipui mamawh lam theiha hun hawn a ni. Thenzawlah hian ram dang atanga lo haw mi 4 damdawi inah khung hran an ni tawh a. Thenzawl CHC a khunghran mi 2 chu chhuahtir an ni tawh a. Tunah hian CHC ah mi 1 leh Ayush Hospital-ah mi 1 khunghran mek an ni a. Fimkhur thu hlaa In lama khung hrang mi 40 chuang an awm mek bawk.
