Hri leng vanga Bairabi chheh vela leilet enkawltu hnam dang awm thin an haw deuh vek avanga Agriculture Minister leh Supply Minister-in leilet enkawl kawngah vai chhawr system tibo tura Bairabi Zophai Field Management Committee hnena lei lehna hmanrua, power tiller an pe chu lawmawm an tih thu leh, hun harsa tawh mek, malsawmnaa chantir tura hma an lak dan chu fakawm an tih thu Prism thalai hian an sawi a. Zoram hmun dangah pawh hmalakna chhunzawm turin sorkar an ngen a ni.
Prism thalai hian, hri leng vangin ei leh bar mai bakah thalaite tan eizawnna a harsa chho hle dawn nia a lan avangin Mizo thalai-ten an thawh ve theih reng, thil siamsa mai ni lo, a siamtu leh enkawl tur thlenga hnam dang chhawr thin chu tihtawp a, Mizo thalaite’n an thawh ve theih eizawnna hrang hrang hmanga hamthatna an dawn theih nan, Sorkar chu Mizorama hnam dang chambangte thawnkir thuai turin an ngen a ni.
