Chief Minister Pu Zoramthanga hian a facebook page-ah he thu hi a tarlang a., Chief Minister Office-a interview hun chu tiam chin awm lova khar rih ni mahse, \ul bik leh loh theih lohna avanga amah dawr ngaite tan appointment siamin Video Conferencing hmanga indawr tawn theih tur siam a ni tih a sawi a, mipuite chu hmang \angkai turin a chah a ni. Chief Minister hian ‘hunkhirh takah hian kan tan Pathian thil tum leh remruatna fel tak a nei ngei ang’ tih a ziak tel bawk a ni.
Addl. Chief Secretary to Chief Minister, Pu J.C. Ramthanga chuan vawiin vek khan thu chhuah siamin COVID-19 hri leng vangin Chief Minister Office dawr tumte hriattur a tarlang a, Office pawn lam mi, Chief Minister Office dawr tur reng rengin office luh hmain office pawna ‘KUT SILNA’ siamah fai takin kut an sil hmasa tur a ni a ti a, CM appointment pekte leh office dawrtute tan kut invuana inchibai kher loh tur a ni tih leh bawrhsawmna leh hrisel lohna nei chungin office dawr loh hram ni se tih te a thuchhuahah siamah hian an ziak a., mipui him tlanna tura sorkar thupekte \ha taka zawm turin Chief Minister Office hnuaia officer te, staff-te leh office dawrtu mipuite ngenin, \ul lova buai phili lo tur leh chiai lo turin a ngen a ni.
