State Level Bankers Committee Convener, SBI Regional Manager Pu LP Lalchangkima sawi danin, sorkar laipuiin PMJDY Account nei hmeichhia te hi thla tin cheng za 5 in a \anpui dawn a, April thlaa an dawn tur chu tun thla ni 2 khan an account ah dah luh vek a ni tawh a, Mizoramah mi nuai 2 vel PMJDY Account nei an awm laiin nimin thleng khan mi sang 3 vel chauhin \anpuina an dawn hi an la la chhuak a ni.
Pu LP Lalchangkima chuan, PMJDY Account nei \anpuina dawngtuten an lakchhuah theih nan CS pawh an sawipui tawh tih a sawi a, District tin DC te pawh a \ul anga hmala tura ngen an ni a, LLTF leh VLTF te pawh hmalakpui tura ngen an ni tawh a, mipui inkharkhipna kalpui mekah a \ul a nih chuan Bank nen inberremin \anpuina dawngtute hnena semchhuah theih dan pawh ngaihtuah theih a ni a ti.
