Aizawl khawpui chhung veng hrang hranga Local Level Task Force leh Police Duty-te chuan, khawlaia chhuak hmuh tur an tlem telh telh tih kan palai an hrilh a, mi\henkhat luhlul zual leh chhuanlam ho te te siama vah chhuah tum erawh an la awm zeuh zeuh tih sawiin, vawiin hi inkharkhip hman a\anga ni 6-na a nih tawh avangin a tir ai kha chuan mipuiten thu an awih zawk a, khawlai chhuak hmuh tur an awm mang lo tih an sawi. Hetihrual hian Aizawlah chuan District Bawrhsap-in Nilaini-a khauh lehzuala inkharkhipna dan a tihchhuah hnuah, dawr inhawn phal a ni lova, veng \henkhatah chuan, mahni inlama eichawp zawrhna dawr neite pawhin bungraw hralh tur an nei mumal tawh hlawm lo a ni.
Hetihlai hian Loh theih lohna leh thil \ul zual bika khawlai chhuah ngai leh damdawi in pan ngaite tan District Bawrhsap ruahmanna-in District Magistare emaw Sud Divisional Magistrate emaw hnenah Online hmanga khawlai chhuah phalna dil theih a ni a. A duh tan Mobile No. 7640099120-ah whatsapp hmangin emaw dcofficeaizawl@gmail-ah mail hmangin dilna hi thlen theih a ni.
