Thuchhuah an siamah Congress \halai chuan, khawvel puma hrileng mek vangin Sorkar-in kawng hrang hranga mipuite fimkhurna turin ralkhel dar a vaw mek a ni, an ti a. Sorkar laipui ruahmannaa Pathianni nilenga mipui pawnchhuah phal loh neih a nih hnuah hemi zan a\ang hian Mizoram chu a inkharkhip chhunzawm nghal a, theihtawpa an fimkhur lai hian hmatheh leh a hmatawnga thawktu, Medical Team te thuamna tur lamah Sorkar hian theihtawp a chhuah em tih leh Corona Pandemic do nana thil \ul leh neih ngei tura ngaih Personal Protective Equipments hi Doctor leh Nurse-te bakah hriselna kaihhnawiha thawktute tan PPE hi hman tur indaih chhekkhawl a ni em tih hi an zawhna a nih thu an sawi. Congress \halai chuan, Meghalaya Sorkar-in PPE; N95 mask 50,000, 3 layer mask 6,00,000 leh ventilator 32 a lei nghal ang hian MNF kaihhruai Sorkar hi a che ve dawn em tih an zawt a.
Covid-19 hrileng mek do nana hmala tura din District Task Force, Local Council leh Village Council Task Force te tan invenna tur mask, glove leh hand sanitizer leh a dangte hi Sorkarin a pe dawn nge, mi tlawmngai leh inphalte pekkhawm a rinpui ve mai dawn tih leh chhun zan zawma duty Police te tan equipment enge a pek dawn tihte mipui hriata puangzar turin sorkar an phut a, State dang a\anga khualzin leh zirlai lo haw te inkhung hran chungchangah pawh tun aia mumal leh awmze nei zawka ruahmanna kalpui a tum em tih a zawt a ni.
Chief Minister zahawm takin sum tamzia sawi a, Covid 19 do nan bithliah a awm lovang tih a sawi mek lai hia, he hrileng do kaihhnawih vanga nitin eichawp zawnga inhlawhfa chhuanchhama awm mai turte tan sorkar-in ruahmanna a nei fel diam tawh nge, tlawmngai pawl leh Task Force te kutah a dah mai dawn tihte puangzar a, Zoram mipuite thlamuanna thu puang turin an phut tih Congress \halai chuan an sawi.
