Police hotute hnen a\anga Zonet thudawn danin, thubuai ziahluh hi a awm meuh lova, Police Station lian zualah chuan ni khatah thubuai 10 aia tam ziah luh \um a awm \hin a. Tun dinhmunah erawh rukruk thubuai ziah luh a awm leh zauh \hin tih loh chu thubuai a awm meuh lova, thubuai ziah luh tur hi a awm loh chang a tam zawk a ni. Aizawl bikah chuan khawpui chungah Police 600 vel Duty tir an ni a, heng mite hian Local Task Force nen \ang kawpin thupek kenkawh hna leh venhim hna an thawk mek a ni.
