Damdawi tawlh ruknaa inhnamhnawiha puh, ex-IAS Officer, Pu Robert Hrangdawla chu Court thupek angin man a ni

0
488
views

Ruih nana hman \hin damdawi tawlh r<knaa inhnamhnawiha puh, IAS Officer chawl tawh, Pu Robert Hrangdawla chu Court thupek angin vawiin khan man a ni a, Central Jail-a dah nghal a ni. Zonet thu dawn danin, Health Department hnuaia Food and Drug Administration Wing-in kumin February ni 22-a damdawi ruih theih, Cetri-P mum nuai 10 an man neitua puh a nih chungchangah Aizawl Luangmuala R&R Medicare neitu, Pu Robert Hrangdawla leh a mi chhawr, Lalchhanmawia chu vawiin khan Aizawl Additional District and Sessions Judge, Pu Vanlalenmawia Court-ah an inlan a, Court chuan thubuai hi chak zawka chhui a nih theih nan heng mi 2-te hi man tura a tih angin Police-in an man nghal a ni. Pu Robert Hrangdawla hian kum 1970 khan IAS zawmin, Madhya Pradesh cadre p>k a ni a. Hna pawimawh tak tak a chelh hnuah kum 2006 July ni 5 a\anga kum 2010 February ni 1 thleng khan Mizoramah State Chief Information Commissioner a ni.

Puan tawh \hin angin, kumin February ni 22 khan Lengpui \umhmunah Health Department hnuaia Food and Drug Administration Wing-in damdawi ruih theih, Cetri-P mum nuai 10 an man a. Heng damdawite hi Dehra Dun-a Cooper Pharma Limited-in Aizawl Luangmuala R&R Medicare-a thleng tura a rawn thawn a ni a, hei hi dan phal loha lak luh nia hriat a nih avangin man a ni. R&R Medicare neitu Pu Robert Hrangdawla leh a mi chhawr Lalchhanmawia chu Drugs and Cosmetics Act, 1940 tlawh chhanin thubuai siamsak an ni a, Court chuan thubuai hi chak zawka chhui a nih theih nan thil tisuala puhte hi man turin Police a hriattir ta a ni. Pu Robert Hrangdawla Ukil chuan vawiin khan Pu Robert Hrangdawla leh Lalchhanmawia tan hian Court-ah Anticipaory Bail a dil a, Court chuan Pu Robert Hrangdawla leh Lalchhanmawia chu man an nih tawh avangin Anticipatory Bail chu pek theih a ni tawh lo tih sawiin, a hnawlsak nghal nia thu dawn a ni.