Dan hnuaia ram pahnih insumdawn tawnna mumal tak la awm loh avangin Myanmar a\anga Mizorama bungraw lut \hinah chhiah lak theih a ni rih loh tih Taxation changtu Home Minister Pu Lalchamliana’n a sawi.

Pu Chama hian Myanmar nena insumdawntawnna chu Dan hnuaia kalpui, formal trade a la nih loh avangin chhiah lak a awm lo a, hetihlai hian Central Custom lamin Zokhawthar leh Seling ah te an la \hin niin a lang a, Custom te pawh hian dan ang tak chuan khawn lo tur an nih laiin, central lamin sum an hmuh zat tur an bituksak tho \hin nia a lan thu a sawi.

Pu Chama hian kum 2017 July ni 1-ah GST hmanga chhiah lak a nih thu leh GST hman a nih hma lama work order pek tawh, GST hman a nih hnua hna la zo lo te hnen a\ang pawhin GST danin a sawi angin GST hi lak a nih thu house a hrilh a, hemi chungchanga vawiin Assembly rorel inkhawma zawhna zawttu Dr Vanlalthlana chuan GST hman a nih hmaa chhiah lo pe tawhte pawhin GST ah an pek leh tho a\ul avangin an hnathawhin a tawrh phah thei niin a sawi.