|hutkhawmna kaihruaitu Tlabung SDO Civil Pu Henry C Lalrawnkima chuan, dan loa khaw din chungchang chu Sorkar-in a ngaipawimawh tih sawiin, fimkhur taka chet lak erawh a ngai tih a sawi. |hutkhawmnaah hian dan loa khaw din nia hriat enfiah tur chin leh, a enfiah dan tur sawiho a ni a, Joint Inspection Team-te hi dan loa din nia hriat khaw hrang hrangah kalin, chhungkaw awm zawng zawng a\anga za zela 15 zel kawmin hriat duh an neih te an zawt ang a, an awmna khaw awptu VC leh mipuite pawh an kawm \hin dawn a ni.
Vawiina \hukhawmten an ruahman dan chuan, tun thla ni 9-11 chhung hian Khawthlangtuipui ral lehlama dan loa din nia hriat khaw hrang hrang Joint Inspection Team te hian an tlawh ang a, tun thla ni 16-18 chhung hian Zohmun leh Khojoysury lam an fang veleh thung dawn a ni.
Joint Inspection Team-ah hian Tlabung SDO (C) chu chairman a ni a, Lungleia DLAO office- assistant field inspector chu member secretary atan ruat a nih bakah, Lungleia Settlement Officer, Tlabung DFO, Tlabung SDPO bakah, Tlabung VCP, YMA Tlabung branch president, te chu member an ni a, Lungleia Sub-Hqrs YMA bakah MZP leh MSU aiawh an tel bawk.
Khaw hrang hrang an enfiahnaa an thil hmuh te chu he team dintu Lunglei District Level Screening Committee-ah tun thla chhung ngeia thehluh hman tum a ni.
