Darlawn Group YMA leh a huam chhunga VC te Darlawn Block Resource Centre Hall-a tun hnaia inhmukhawm chuan an khaw kawnga Tuirini lei kumin February ni 13-a chim tawh, vawiin thlenga dawh \hat leh a la ni lo chu an hriatthiam loh thu sawiin, July thla chhunga dawh zawh a nih loh chuan lungawi lohna entir nan Chalfilh bial chhunga zirna in zawng zawng leh sorkar office zawng zawng August thla a\anga khar an tum thu an sawi a, Independence Day lo thleng tur pawh hman ve loh nise tiin thu an dah a ni. He Joint meeting neih zawh hnua thuchhuah an siamah Group YMA leh VC te chuan Tuirini lei chu May thla chhunga dawh zawh a ni ang tih an lo hrilh tawh tihhlawhtlin a ni ta lo chu pawi an tih thu an sawi a, tunah hian an bial chhunga khua ten nasa takin an tuar mek tih sawiin, awlsam taka he lui zin veivak miten an kai theih nan mau pum siam ni se an ti a, Chalfilh-Vanzau kawnga motor-a kal theih nan Chalfilh Group YMA huam chhunga Branch hrang hrang ten a inchhawka hnatlangin kawng siam hna thawh ni se an ti bawk.
