Chawimawina inkhawma Khuallian MLA Pu C. Lalmuanpuia chuan zirlaite fuihna thu a sawi a, Khualzahawm Central YMA Gen. Secretary, Lalhmachhuana chuan CYMA pawhin zirlai ti \hate chawimawina kawngah hmalak a tum thu a sawi a, New Horizon School of Education Principal, B. Lalsawmzuala’n inlawmna leh inhmelhriattirna a nei a, hemi hnu hian 2019 MCS topper Dr. Laldinsangi’n topper te fuihna thu a sawi bawk a ni.
HSLC Topper-te hnenah hian khuallian leh khualzahawm te bakah Mizoram Independent School Association President Pu C. Lalthanzauva, ZONET Cable Pvt, Ltd. Director, Pu LV Lalthantluanga, Chapchar Kut Lady Sheila B. Lalrinpuii, Central YMA Education Sub Committee Chairman Pu Vanlalfela, MZP Vice President Pu B. Vanlaltana leh Zoro women wing president Dr. Vanlalsiami ten lawmpuina an hlan a, Stacy V.L. Muanpuii, Nunu Chhangte, Sawmtea Chhangte, Feli Fanai, Kimkima, Ticos, Zorinzuali leh Mizo Dance Camp ten zai leh lamin toppers te hi an chawimawi bawk a ni.
