DC Conference Hall-ah Champhai District Development Coordination and Monitoring Committee thu khawm

0
328
views

Champhai District Development Coordination and Monitoring Committee chu an Chairman, Lok Sabha Member, Pu CL Ruala leh Co-Chairman, Rajya Sabha Member, Pu Ronald Sapa Tlau hovin DC Conference Hall-ah nimin khan an \hu khawm a, Centrally Sponsored Scheme chi hrang hrang Champhai District sorkar deptt. hrang hrangten an bawhzui dan leh hlen chhuah dan an thlir let a, \an lak zel dan tur an sawiho bawk. Ni za inhlawhna tia hriat, MGNREGS hnuaiah kumin August thla thleng khan Champhai District-a Job Card nei mi 28,478 te tan ni 38 inhlawhna siam a ni tawh tih tarlan a ni a, Prime Minister Rural Housing Scheme, Pradhan Mantri Awas Yojana Gramin hnuaiah thingtlanga cheng mi harsa, chhungkaw 102 te in sak zawh tawh a ni tih te, IWMP Project 6 bawhzui mek a ni tih te, thingtlang khaw hrang hrang inkalpawhna atana kawng siamna scheme, PMGSY hnuaiah kawng 13 laih tawh a ni tih te, Irrigation Department hnuaiah Har Khet Ko Pani hnuaiah Project 4 bawhzui mek a ni tihte tarlan a ni a, RMSA, Kala Utsav leh Swacch Bharat hnuaiah faina beihpui thlak a nih thu te, ek in ni lo, pawn lama inthiar awm lohna tura \an lak dante tarlan a ni bawk. He Meeting-ah hian Champhai District-a MLA 4 leh CSS hmangtu sawrkar Deptt. hrang hrang hotute leh tlawmngai pawl hruaitute bakah khawtlang hruaitute pawh an tel a ni.