Biodigester hi DRDO-in Kum 25 chhung an zir chian hnua an hmuhchhuah a ni a. Biodigester-ah hian mihring ek eiral tu tur hrik, Anearobic Microbial Innoculum a awma, chu chuan mihring ek lo lut thar apiang an lo eiral zel avangin septic tank angin a khat ve dawn lo a. Biodigester technology hi DRDO ta a nih avangin hmang ve thei turin an phalna neih a ngai a ni.
PHE Department hian Biodigester technology hmang thei leh DRDO Licence neitu a nih tawh avangin, biodigester duh leh mamawhte tan PHE Department hi a dawr theih tawh dawn a ni. Licence hlanna inkhawm hi PHE Secretary Amjad kaihhuruaia neih a ni a, Defence Research Laboratory Tezpur Director Dr. S.K Dwivedi chuan PHE Secretary hnenah hian Licence hi a hlan a ni.
