Gorakhpur damdawiina naupang 60 chuang thih chhan oxygen tlakchham ni ngeiin hria

0
366
views

Tun hnaia Uttar Pradesh-a sorkar damdawi in pakhata naupang tam tak an thih chhan chu oxygen an tlakchham vang ni ngeiin a chhuituten an sawi a, Gorakhpur district thuneituten BRD Medical College damdawi ina thil thleng hi an chhui zui hnuah, Lucknow-a oxygen an lakna thinin oxygen an pek loh vanga he thil hi thleng nia sawiin, damdawi in hotu panga pawh an tih tur ti lovah a puh a ni. He thil chhuinaa tel ve tho, he damdawi ina Chief medical officer, Dr Ravindra Kumar erawh chuan naupangte thih chhan kha oxygen tlakchham vang emaw, damdawi in mawh emaw a ni chiah lo niin PTI a hrilh a, oxygen an lakna thin, Pushpa Sale Pvt Ltd-in a hunah oxygen an pe lo tih erawh chu thu dik niin a sawi.