Delhi Mizo Zirlai Pawl huaihawtin ram dang mi dan lova lo lutte duh lohna lantir a ni

0
544
views

Delhi-a Mizo Zirlai Pawl huaihawtin vawiin chawhnu khan ram pum huapa ram dang mi, dan lova lo lutte duh lohna lantir a ni. Vasant Vihar-a Mizoram House tuala ram dang mi dan lova lo lut duh loh lantirna-ah hian Delhi Mizo Zirlai Pawl hruaitute zinga mi, Lalsangliana Hnamte chuan ram dang mi, Mizoram leh India ram hmun hrang hranga lo lut rute awm dan leh leilung fate tana harsatna an siam dan a sawi a, hemi hnu hian Rajya Sabha Member, Pu Ronald Sapa Tlau, Central YMA President, Pu Vanlalruata, JNU-a Centre of Historical Studies-a thawk, Prof. Joy LK Pachuau, Supreme Court-a Senior Advocate, Upamanyu Hazarika leh Arunachal Pradesh Students Union Adviser, Pu Romjir Rakshak pawhin thu an sawi a ni. He lungawi loh entirna inkhawmah hian ram pum huap chanchinbu leh Electronic Media aiawhte pawh an tel a ni