Deputy Minister hlui, Pu PB Nikhuma a thi

0
783
views

Mizoram UT nih laia Deputy Minister lo ni tawh, Pu PB Nikhuma chu nizan dar 7:30 khan Aizawl Civil Hospital-ah a thi. Kum 89 mi nia thi Pu PB Nikhuma hian a tu leh fa 34 a kalsan a ni. Pu Chhunbura (L) leh Pi Chhingzovi (L) te fa 11 zinga 3-na Pu PB Nikhuma hi kum 1929 khan Hnahlan khuaah a lo piang a, Imphal a\angin matric a pass hnuah kum 1952 khan Pu Buangthanga te sumdawnna puiin Manager-ah a \anga, hemi hnu hian Lungleiah inbengbel zuiin, contract hna te a thawk \hin a, Political Party-ah lutin Mizo Union a zawm a, kum 1972-a Mizoram UT Assembly hmasa ber inthlanna neihah khan Buarpui bialah Mizo Union ticket-a dingin MLA atan thlan tlin a ni a, hemi hnu hian Pu Ch. Chhunga kaihhruai UT Ministry-ah khan kum 1972, June ni 27 a\angin Deputy Minister a nia, a hna chanpual te chu Medical & Family Planning leh Local Adminstration te a ni. Hemi hnu kum 1978-a inthlannaah Ngopa bialah leh kum 1979-a inthlannaah khan Ngopa bialah bawk inthlanna a chuh leh a, amaherawhchu a tling zo lo ve ve a ni. Pu PB Nikhuma hi mi taima, huan siam leh sangha dil siama tui em em, ram leh khawtlang hmasawnna atana theihtawp chhuah mi a ni a, Dinthar High School din kawngah pawh a sulsutu a ni a, Kohhranah pawh nasa taka inhmang \hin, Lunglei Rahsi Venga |KP Unit President hmasa ber leh rawngbawltu a ni \hin a ni. A lo upat hnuah chak lohna chi hrang hrangin a tlakbuak a, kumin February thla khan thaw hah leh chak lohna a neih avangin Aizawl Civil Hospital-ah dah luh a ni a, a thluakah bawk (tumor) a awm bakah a chuapah pawh tui a tling tih hmuhchhuah a ni a, heta \ang hian \ha chhuak lovin nizan dar 7:30 khan a khawvel nun a hmang zo ta a, vawiin chhun dar 12 khan bialtu Pastor, R. Lallianpara’n thlamuanna thuchah sawiin a vui a ni.