DGP, Pu Thianghlima Pachuau hovin State Steering Committee for National Emergency Response System thu khawm

0
625
views

State Steering Committee for National Emergency Response System chu vawiin khan DGP, Pu Thianghlima Pachuau hovin a pisaah an \hu khawm a, Aizawl SP pisa chungah rikrum thila mipui phone call lo dawngsawng turte awmna hmun, Public Safety Answering Point sak ni se an ti a, Mizorama National Emergency Response System bawhzui nan Sumo 5 leh lirthei ke hnih nei chi 8 lei an remti bawk. Hengte zingah hian Aizawl District tan Sumo 2, Lunglei, Kolasib leh Champhai District tan Sumo 1 \heuh leh District dang pali tan two wheeler 2 \heuh pek ni se an ti bawk. DGP chuan mipuiten harsatna hrang hrang an tawha awlsam taka \anpuina an dawn theih nan state tinah National emergency response system din vek tura sorkar laipuiin a tih angin Mizoramah pawh bawhzui a ni tih a sawi a, Centre for Development of Advanced Computing (C-DAC) nen thawk hovin National Emergency Response System hi tunlai thiamna hmanga changtlung taka thuam tum a nih thu sawiin, tihhlawhtlin a nih hunah chuan kangmei, pawi khawihna, chetsualna, chhiat rupna, dam lohna leh rikrum thila harsatna neiten englai pawhin phone number 112-ah \anpuitu an ko thei dawn niin a sawi. He sawihona-ah hian DIG (Training) Pu C. Laldina, DIG (Northern leh Southern Range) Pu Joseph Lalchhuana, Home Deptt. Jt. Secretary, Pu Dingluaia, Fire & Emergency Services Director, Pu Lalhuliana Fanai leh a kaihhnawih Department aiawhte an tel a ni.