Disaster Management and Rehabilitaion Department buatsaih tuilian vanga chhiatna thleng thei laka hmalak dan tur inzirtirna vawiin khan Tanhril-a State training centre-ah \an a ni.

0
276
views

He training hi DM&R Director, Pu F.J Liantluanga’n a hawng a, training-naa telte chu tuilian leh chhiatna thlen huna \anpui ngaite rangtak leh awmze neia \anpui thei tura thiamna puakchhuah tum \heuh turin a chah a. Mite \anpui thei tura chakna nei thei tura in vawng uluk turin a chah bawk.

Training hawnna inkhawm hi Jt. Director, Pu H. Dolianbuaia’n a kaihruai a. National Disaster Management Authority of India (NDMA) chuan India rama tuilian tuar mai thei district 700 chuang a thlan chhuah zingah Aizawl District chu tui lian tuar nasa thei 30 zingah a telh a, hemi bawhzui hian Aizawl District chhunga mi 200 chu tuilian leh a kaihhnawih chhiatna thleng thei laka hmalak dan tur zirtiri tur an ni a, tun \um hi training thawh 4-na niin, hetah hian YMA Branch 10 thlanchhuah Chawlhhmun, Chawilung, Lamchhip, Hmuifang, Sailam, Sialsuk, Sialsuk South, Samlukhai, |hiak leh Zotlang a\angin YMA volunteers mi 54 an tel a, training hi kar 2 chhung pek an ni ang. Hetiang training hi nikum lam a\anga kalpui tawh niin, nikum chhung khan YMA Branch hrang hrang hnenah Training \um 3 pek a lo ni tawh a ni.