District Hqrs dangah pawh vawiin khan Chapchar kut hi hlim taka hman a ni.

0
226
views


Lungleiah chuan |huamluaia Mual-a Chapchar kut hmannaah Kutpa, Agricultute Minister, Pu C Lalrinsanga chuan thusawiin Chapchar kut thupui atana thlan ‘Zofate Inpumkhatna’ tih hian Zofate phuar khawmin inpumkhatna thlen ngei se a duh thu a sawi a, inpumkhatna vawng nung tura mawhphurhna neite chu Zofate zawng zawng an ni tih hre reng turin a chah a ni. Kut pa lo thleng hi 2nd Battalion MAP Pipe Band-in an rimawi tumin an lo dawng sawng a ni. Kut hi Sub-Hqrs YMA President Pu Lalrotluanga’n a thleng a ni.

Lungleia Chapchar Kut hmannaah hian Lunglei khawpui leh a chhehvel khaw tam tak a\angin YMA memberte an kal khawma, a hmanna inkhawmah hian YMA Sub Hqrs Lunglei Zaipawl, Lunglei District MZI Zaipawl, Branch YMA hrang hrang member, MHIP leh MCAA a\angin hnam lam entir a nih bakah malzai, zaipawl leh rimawi tum te entir a, ngaihthlak a ni. Mizo hnamlam entir zingah chuan Parlam, Chawnglaizawn, Solakia, Chheihlam, Chai, Sarlamkai leh Cheraw te a tel a, Muallianpui South Branch YMA-in Sakei Lu Lam an entir a, Baptist Higher Secondary School Naupang Pawnto an entir a, Gurkha Youth Association te vohbik chanvo pek an ni a, Chapchar Kut Miss leh Hraite thlan an ni bawk.