District hrang hrangah Lirnghing vanga chiatna thlen thulha chet lak dan tur lian tham taka in zirtir a ni

0
377
views

National Disaster Management Authority leh Mizoram Disaster Management & Rehabilitation Department huaihawtin vawiin khan Mizoram a District hrang hrang Lirnghing vanga chiatna thlen thulha chet lak dan tur lian tham taka in zirtir a ni. Aizawlah chuan Mock vawiin chawhma dar 10 a Siren tih rik veleh sawrkar department hrang hrang mite chu chu District Emergency Operation Centre-ah an tlan khawm nghal a, heta tang hian chhanchhuah hna thawktu tur Department hrang hranga Disaster Response Force te chu tlan chhuakin Millennium Center, Secretariat Complex, Republic Higher Secondary School, Sihpui Ramthar Veng leh Aizawl Civil Hospital-ah te an tlan khawm a, hliam tuar lema changte chu Aizawl Civil Hospital-ah lakkhawm a, a \ul dan anga enkawl hna thawh zui a ni. He lirnghing avang hian Treasury Square-ah thing tlu, Khatlaah electric ban tlu, Saron Tuithiangah in chim leh Mizofed Petrol Pump-ah kangmei chhuak awm anga ngaiin heng buaina thleng ten mipuite harsatna a siam loh nana hnathawh zui dan tur leh thil chinfel dan tur lem changa entir nghal a ni.

He Mock drill-ah hian Police, MPRO, Fire & Emergency Services, Health & Family Welfare, Civil Aviation, PHE, PWD, P&E, Food, Civil Supplies & Consumer Affairs, Environment, Forest & Climate Change Department, Informations & Public Relations Deptt. te bakah State Disaster Response Force leh National Disaster Response Force-ten mi mangang te chhanchhuah hna leh chhawmdawl leh \anpui ngaite \anpui dan an entir a ni. He Mock Drill neih zawh hnu hian Aizawl Bawrhsap, Dr. A. Mathumma chuan sorkar department hrang hrang, tlawmngai pawl leh mock drill hlawhtlinna atana inhmangte hnenah lawmthu a sawi a ni. Hetiang bawk hian Mock Drill hi District Hqrs. hrang hrangah vawiin khan neih a ni.