Union Secretary hian DoNER chuan hmasawnna ruhrel din kawngah sorkar a pui thei tih a sawi a, ITI Veng a Urban Health Centre in mamawh a neih te thlakhat chhunga DoNER a thlen tura thawktute chahin lo bawhzui a tum thu a hrilh a ni. ITI venga Urban Health Centre hian kum 2018-2019 khan National Quality Assurance Certification a dawng a, hemi kum vek hian damdawi in mawi ber, Most Beautiful Award pawh Kayakalp hnuaiah a dawng bawk a ni.
DoNER Secretary hian cheng nuai 4624 senga High Court Building tur, Secretariat Complex-a sak mek leh Sports & Youth Services Directorate te, NLCPR atanga sum hmuh cheng nuai 1556 senga PHQ Building, Khatla Aizawla sak te pawh a tlawh a ni.
