UD&PA Department hotuten Zonet an hrilh danin, Durtlang Leitan BSUP Complex-a awmte hi Inrinni a\ang khan Edenthar leh Rangvamuala BSUP Complex-ah sawn an ni a, Inrinni khan Edenthar-ah chhungkaw 14 leh Rangvamualah chhungkaw 16 sawn an ni a, vawiin tlai dar 4 thleng khan Edentharah chhungkaw 16 leg Rangvamualah chhungkaw 3 sawn tawh an ni bawk a, chhunzawm zel a la ni a, chhungkaw sawn chhuahte hi Mizoram sorkar chuan an bungraw thiar velna leh thil pawimawh dang a tum sak vek a ni.
UD&PA Department hotute chuan, khua a chhiat deuh avangin BSUP-a chengte sawnchhuah hi chak taka tih theih a ni lo tih an sawi a, helai hmuna cheng zingah hian bungraw chhe vek sawn chhuah hleih theih loh te, zin bo leh an awmna chin hriat mai loh te an awm bawk avangin hnathawh chak a har a, heti chung hian ngawrh taka sawn chhuah hna hi thawh a ni tih an sawi.
Durtlang Leitan Branch YMA chuan BSUP-a cheng chhungkaw sawnchhuahte hi an bungrua hnatlangin an thiarchhuahpui a ni. Durtlang Leitan BSUP Complex-a Building 5 te hi ko chhak lam lung tawlhin Thawhlehni khan a nek chim a, Sorkar thupek angin helai hmun hi mihring chen zelna tlak a nih leh nih loh mithiamten an enfiah dawn avangin helai hmuna chengte chu hmun him lama sawnchhuah an ni.
