UD&PA Department hotute hnen a\anga Zonet thudawn danin, Sorkar thupek angin helai hmuna chengte hi hmun him lamah sawnchhuah vek tur an ni a, an chen lailawkna atan Rangvamual leh Edenthar-a BSUP Complex ruahman niin, heng mite hi vawiin a\ang khan Department hotute hnena in hriattir tur leh an chenna thar tur thlanga Alltment pawt tura tih an ni a. Helai hmuna chengte hian hmun danga awm an hreh hlawm avangin hmun danga chhuak duh in hriattir hi an la awm mang lova, naktuk lam a\ang chuan in hriattir hi an awm \an beisei a ni. Zawhna chhangin UD&PA hotute chuan, sorkar duh dan angin Durtlang Leitan BSUP Complex-a chengte chu a rang thei ang bera sawn chhuah an ni dawn tih an sawi a, an chenna tura ruahman Rangvamual leh Edenthar-ah hian heng chhungkuate hi hmaih nei lovin an leng vek dawn a, Edenthar Venga BSUP Complex chu tun dinhmunah tui a la awm loh avangin hawn la ni chiah lo mah se, mamawhna a san tawh avangin mipui mamawh phurhru turin PHE Department lamin ngaihtuahna an sen beisei a ni, an ti.
UD&PA hotute chuan, Durtlang Leitan-a BSUP Complex-ah hian chhungkaw 160 vel awm anga chhinchhiah an nih thu leh heng zinga chhungkaw 30/40 vel chu helai hmuna awm tak tak lova thlam ang leka hmang an awm nia hriat a nih avangin a chengte dinhmun pawh enfiah nghal a ni tih an sawi a. Helai hmun hi mihring chen zelna atan a him tawk em tih mithiamten an enfiah dawn a, an thil hmuh dan a zirin insuanluh leh pawh an phal dawn tih an sawi.
Leitan Branch YMA chuan BSUP Complex-a chengte hi vawiin khan an bungrua hnatlangin an thiarchhuahpui a, helai hmuna chengte hi an tam tham deuh avangin chak taka hmalak theih a ni lo a. Leitan Branch YMA President, Pu K. Lalzuiliana chuan, helai hmuna chengte hi an awmna thar tura an insuan luh hma chu BSUP Complex Hall-ah riah tir rih an ni dawn tih sawiin, Sorkar-in an awmna thar a ruahmana insawn duhte chu an inthiar chhuahpui zel dawn tih a sawi.
