Hlanna inkhawm hi MDM Gen. Secretary, Pu JH Lallungmuana’n a kaihruai a, MDM, ZONET leh Delta Sound hotuten chhiat tawkte hnenah hian \anpuina sum tling khawm Rs. 4,85,000/- chu an hlan a, thihna tawk mi 3 hnenah Rs. 1,00,000 \heuh, hliam, damdawi ina admit mi 3 hnenah Rs. 40,000 \heuh, hliam tenau mi 8 hnenah Rs. 5,000 \heuh, bungraw chhia mi 5 te hnenah Rs. 5,000 \heuh an hlan a ni.
Tun thla ni 2, Thawhleh zan-a BSUP complex building lei tawlhin a hnawl vanga chimah khan mi pathumin nunna an chan a, mi 11 an hliam a ni.
Chhiat tawk chhungte pual hian tun thla ni 9, Thawhleh zan khan MDM, ZONET leh DELTA SOUND te \angho chuan Live charity Concert, Dawrpui Multi Purpose Hall-ah a buatsaih a, MDM a\angin zaithiam hrang hrang an zai a, Mizoram chhunga mi hming \haten phone call hmangin pawisa hi an lo dawng a, pawisa lam khawm hna hi pawl pakhat Tirhkoh Dawla-ten an thawk a, heng chhiat tawkte tana sum leh pai leh thil hrang hrang hmanga luang chhuak zawng zawngte chungah Organising Committee chuan lawmthu a sawi a ni.
