Vawiin Assembly rorel inkhawmah Mizorama raw lak luh chungchanga Thorang bialtu MLA Pu Zodintluanga zawhna Chief Minister aiawha a chhanaah Pu Tawnluia hian, Horticulture Department-in raw chi a la lei lova, sum pawh sen ala awm lo tih a sawi a, hetihlai hian mipuite intodelhna hmanrua atana ruahman zingah a bik takin raw lian chi chin turin deptt in a bawhzui a ni a ti a, a thu mai ni lo a takin raw ching turin hmalak a ni tih a sawi. Pu Tawnluia hian, Mizorama mau leh rua awm sa aia \ha zawk chin tur ngaihtuah a nih thu a sawi a, a chi siam thiam Taminadu a company pakhat dawr a nih thu leh an duh ang an pek theih an beisei thu a sawi a, model plantation atan sorkarin Lengpui leh Phulpui ramah ram Hetare 250 a ruahman a, mau ching tur hian mi 220 te an in ziaklut tawh a, heng mi te hi Lengpuiah mi 120 leh Phulpui mi 100 te an ni a ti a, rua chu Mizoram chhunga a theihna hmun apiangah chin tura ruahman a ni a ti bawk.
